تـــوت البنـــات

يالله ياتوت البنات


هذا أول حرف في درس الهجاء
ياالله نبدأ ندرس الحرف الجميل
ونعرف أسرارة
وقوته من حيث تأثيره على علم الغرام
ياالله نبدأ
قولي بعدي
(ألف...ألف...ألف)
حطت إصبعها على الحرف
وقرت
( ألف...ألف...ألف )
ممتاز ياشاطرة
هاتي كلمة تبتدي بحرف الألف
فكرت
ثم فكرت
ثم فكرت
ثم قالت
( آه...!! تكفى يا أُستاذ ساعدني شوي...! )
قلت قوليلي



( أحبك...هذي كلمة تبتدي بحرف الألف...ومرّة سهله.)
ناظرتني و ضحكت
قالت
( أُستاذ وشقي.!! )
ثم قالت لي
( أحبك... وأغضت بطرفٍ خجول.! )
قلت ...صح
فعلاً شاطرة
وحلك تمام
شفتي وشلون الألف فعلاً بسيط...؟!
قالت
( أقدر أسأل لي سؤال...؟!! )
قلت أكيد
قالت
أُستاذي الكريم
وش تخصص حضرتك...؟
!ووين دارس...؟
و إسم جامعتك يا أُستاذي العزيز...؟!
قلت أنا دارس بجامعة الغرام
ومتخصص بـ فك شفرات الهوى
في مدينة خـــد قلبي
أغضت شوي
وضحكت
ومسكت ذاك القلم



وفتحت صفحة جديدة
ثم قالت
خل ندرس حرف ثاني
ما أبي "حصة" أحبك
عطني حرف آخر
وعلمني ياأُستاذ الغرام
قلت...يالله قولي بعدي
( باء...باء...باء)
حطت إصبعها على الحرف ...وقرت
( باء...باء...باء)
ممتازة ياشاطرة
هاتي كلمة تنتهي با الحرف باء
فكرت
ثم فكرت
ثم فكرت
ثم قالت
( آه...!!تكفى يا أُستاذ ساعدني شوي...! )
قلت قوليلي


( أحب!! )
مرّة سهلة...وتنتهي با الحرف باء
ناظرتني وضحكت
قالت

( أُستاذ وشقي...!! )
ثم قالت لي أحب... وأغضت بطرفٍ خجول
قلت ...صح
فعلاً شاطرة
وحلك تمام
قالت
( أقدر أسأل لي سؤال...؟!! )
قلت أكيد
قالت
( أُستاذي الكريم...الهجاء كله هوى...؟! )
قلت لا!
الصحيح نقول الهوى كله هجاء
كله حروف
بس نقراها بعين القلب



وبالإحساس
فيها شد
وفيها مد
وأحلى مافيها السكون!!
فيها خد
وفيها قد
وأحلى مافيها العيون!!



فاهمة ياشاطرة...؟!
قالت
( إيه...بس وش معنى شجون...؟! )
قلت هذي مرّة صعبة!!
فيها ألفت الرسالة
والبحوث!
وعندي فيها أكبر مُجلد بالهيام
قالت
( الله...مـــــرّة صعبة...؟! )
قلت أكيد
بس بعطيك الكتاب
وأنتي إقريه بتأني
واسرحي بكل الخيال
وإقري الفهرس
والتعليق
وتلقين الجواب
وردي لي خبر!
بس بالك...!! إصحي إيشوفه أحد
هذا ممنوع...وخطير
قالت
أبشر...لاتوصيلك حريص
بالهوى محدٍ يخون
قلت ...والحين إنتهينا
كافي درس اليوم هذا



وبكرة ناخذ الحرف الجديد
حرف...تاء
يالله ياتوت البنات
حضري للدرس بكرة!!
ناظرتني...وضحكت



ثم قالت
( تاء...تاء...تاء )
تكفى علمني الحروف
تو رجلي مامشت درب الهوى
تو قلبي ماهوى
وإنت بلحالك ياأُستاذي تمون




؛؛؛
؛؛
؛

؛
؛؛
؛؛؛
تصميم
؛؛؛؛؛

°˚◦ღ♡♥ஓ بنـــــــــــــــــــت حدوتهஓ♥♡ღ◦